CONTINUA ABERTO ATA O LUNS O PRAZO DE INSCRICIÓN PARA PARTICIPAR NO V XOVES DE COMADRES

Nota de prensa da Comisión da muller do BNG de Corcubión.

Xa vai para cinco anos que as mulleres do BNG de Corcubión puxemos en marcha a celebración do “xoves de comadres” na Costa da Morte, mestura de tradición, festa e reivindicación; e de grande aceptación entre as mulleres da comarca.

Este ano a cita será o vindeiro xoves, día 16 de Febreiro, e comezará cun encontro de comadres ás 21:00 horas na Praza de Castelao, para seguidamente desfrutar dunha foliada, e cea de Entroido no Restaurante “Praia de Quenxe” de Corcubión. O prezo da cea é de 20€.

As comadres que vaian asistir deben inscribirse antes do luns, día 13 de Febreiro, no teléfono 667911953.

Animamos a tódalas mulleres da comarca que queiran comezar o Entroido ó grande a que asistan.

Imprescindible: pano, mandil, e bo humor.